Edhe gjatë kësaj jave vendi ynë do të mbetet nën ndikimin e kushteve të qëndrueshme atmosferike si dhe të masave më të ftohta, të cilat më të fuqizuara pritet të jenë sërish në fundjavë.
Si rrjedhojë, java parashikohet me diell e vranësira të pakta, ndërsa në orët e mëngjesit do të ketë mjegull e vranësira të ulëta nëpër lugina dhe ultësira, e po ashtu edhe brymë në ato zona ku moti është i kthjellët gjatë natës.
Në aspektin termik, për dallim nga java e kaluar, temperaturat do të jenë më të ulëta në të dyja vlerat ekstremale të ditës, ku presim edhe ngricat e para në orët e mëngjesit.
Minimalet do të lëvizin prej -3 deri në 3°C, ndërsa ato maksimale prej 10 deri në 16°C.
Era do të fryjë drejtimesh të ndryshme, me shpejtësi prej 10-30 km/h. /MeteoKosova/
English 
Albanian