Vala e nxehtësisë ka përfshirë vendin tonë tash e sa ditë, ndërsa sot ka arritur kulminacionin, duke arritur deri në 37.0°C në Gjilan, gjersa ndjeshmëria e temperaturës deri në 39°C.
Këto temperatura janë jashtëzakonisht të larta, me ç’rast rrezikoheni edhe nga goditja e nxehtësisë!
Në orët vijuese priten vranësira të pjesshme, të cilat në zona të caktuara pritet të sjellin ndonjë rrebesh të izoluar, të shoqëruara me disa shkarkesa rrufesh.
Edhe të dielën parashihen vlera të larta, me një ulje të lehtë, ndërsa orëve të pasdites priten rrebeshe lokale shiu e shkarkesa rrufesh. Në zonat me të reshura do të ketë ulje të ndjeshme të temperaturave.
Gjatë javës së ardhshme priten stuhi të forta lokale dhe ulje e temperaturave në shkallë vendi për disa gradë, e veçmas në zonat me të reshura, ku temperaturat do të ulen me të pakten 10 gradë Celsius.
Për këto të gjitha do të informoheni në postimet tona të radhës apo edhe me motin javor.
Si të mbroheni nga goditja e nxehtësisë:
- Njihni simptomat e goditjes nga nxehtësia:
- Simptomat përfshijnë: temperaturë të lartë trupore (mbi 40°C), dhimbje koke, marramendje, përgjumje, të përziera, djersitje e tepruar, puls të shpejtë dhe të dobët, konfuzion ose humbje të vetëdijes.
- Nëse dyshoni për goditje nga nxehtësia, kërkoni menjëherë ndihmë mjekësore.
- Qëndroni të hidratuar dhe të freskët:
- Pini ujë rregullisht dhe konsumoni ushqime që përmbajnë shumë ujë, si frutat dhe perimet.
- Përdorni peshqirë të lagur me ujë të ftohtë ose bëni dush të ftohtë për të ulur temperaturën e trupit.
- Përdorni mbrojtje ndaj diellit:
- Aplikoni krem dielli me faktor mbrojtës (SPF) të lartë çdo dy orë dhe pas djersitjes ose notit.
- Vishni kapele dhe syze dielli për të mbrojtur kokën dhe sytë.
- Kujdesuni për të tjerët:
- Kontrolloni të moshuarit, fëmijët dhe personat me sëmundje kronike, pasi ata janë më të ndjeshëm ndaj të nxehtit.
- Siguroni që të gjithë të kenë qasje në ujë të freskët dhe ambiente të freskëta.
- Planifikoni aktivitetet në kohë të përshtatshme:
- Kryeni aktivitetet fizike në orët e mëngjesit ose në mbrëmje kur temperaturat janë më të ulëta.
- Shmangni qëndrimin e gjatë në diell gjatë orëve të mesditës (10:00-16:00).
Në rast emergjence:
- Veproni menjëherë:
- Nëse dikush shfaq simptoma të goditjes nga nxehtësia, largojeni nga nxehtësia dhe telefononi menjëherë ndihmën mjekësore.
- Ndërkohë, përpiquni të ulni temperaturën e trupit duke përdorur ujë të ftohtë, peshqirë të lagur ose ventilatorë.
Duke ndjekur këto këshilla, mund të zvogëloni ndjeshëm rrezikun e problemeve shëndetësore të shkaktuara nga goditja e nxehtësisë. /MeteoKosova/
English 
Albanian