Orë të shumta me diell dhe temperatura më të larta se normalja, por ja në cilën ditë parashihen të reshura

Edhe gjatë kësaj jave vendi ynë do të vazhdojë të mbetet nën ndikimin e kushteve kryesisht të qëndrueshme.

Si rrjedhojë moti do të karakterizohet me diell dhe vranësira të pakta kalimtare gjatë gjithë javës, me përjashtim të ditës së Martë, ku pritet shtim i vranësirave dhe reshje lokale shiu, kryesisht në sasi të pakta.

Era do të fryjë drejtimesh të ndryshme, e cila kohë pas kohe pritet të jetë e fortë gjatë ditës së Martë, me shpejtësi prej 15-43 km/h.

Temperaturat minimale do të lëvizin prej 7 deri në 13°C, ndërsa ato maksimale prej 20 deri në 27°C. /MeteoKosova/